Oromiyaa
Yaa biyya seenadha laliftu uumamaa
Magariisa lafaa badhaatu ganamaa
Jaalatamtu biyyaa hawwattu ilma namaa
Madda sirna gadaa bu’ura oromummaa
Hadha habaabilee hundhurri koo sumaa x2
Yaa burqaa waa hundaa beekamtu waa maraa
Gootowwannis tahe hayyuu garagaraa
Ni qabda hundahu ati hin qabdu dharraa
Yaa hadha barsiisaa oomishitu doktoraa
Hadha payileeti madda injinaraa
Saayintistis tahe kan piroofesaraa
Jarren kana hunda barsumaatu horaa x2
Maalayya gootota heddumina saanii
Cufa nin himatti na geeysu yeroonii
Murasaan dubbadha ka hafe isinii
Qabsaawa oromoo kan sodaatu dinni
Mohee galuu malee hin mohu namninii
Eenyu dura ejja jeeyna garasuunii x2
Qindeeysa waraana oggeeysa siyaasaa
Kan takka hin fudhatin midhaafi cunqursaa
Didee kan fincile gabrumma saba isaa
Diinatti kan fixe qawwee fi rasaasaa
Bakka saba cunqursan kan kenne lubbusaa
Ka akkanaati bari jaalle baharo tumsaa x2
Barsiisa mandeella kan faranjiin lolee goota biyyaf jecha
deeme gaara galee
Faranjoota adii kan dhawee halelee
Mee kamtuutu jira abdiisa aagaa malee x2
Goota oromoodha abba ilman hedduu
Gooota warra bale muka dhagaa jidduu
Kan amajaajjiin arkaasa sodaatuu
Mataa isaa duraa kan saba saaf yaaduu
Miidhaa oromootif kan sammuun hadooduu
Oromonni hundi haalan kan jaallatuu
Goota oromiyaa general waaqo guutuu x2
Maaluman sii himaa an waahe hayyootaa
Ilmaan kee hundinuu hayyuudha dhalataa
Hangafni isaani eenyu taha laataa?
Tokkoo lama mitii hangafni isaanii
Muraasaan dubbadha ka himu seenanii
Hangafa jalqabaa kan seenan dubbatee
Afaan oromootif kan qubee hojjatee
Sheek bakri saphaloo seenaatu dubbatee
Qubee dhabun afaan keenya isa yaachiftee
Abdiin lafaa ka’e gara saa hidhatee
Cunqursaa nafxanyaa didee tarkanfatee
Beekumsa isaatin aya ol kaayyatee
Qubee shaalda ja’e abdiin nutti laatee x2
Olama’ii sabaa kan jiru lubbuunsaa
Afaan oromootin waa hedduu barreeysaa
Qura’aana fi hayaata tafsiiraa fi hadiisaa
Jalqaba ganamaa kan hime hikkasaa
Sheek Muhammad rashaad waan badu seenaansaa x2
